филиал вгтрк государственная телерадиовещательная компания “Алания”

Кæфтытæ, зарджытæ, театрализацигонд равдыстытæ, æмæ ма суанг эстрадон аивады ног хуыз – бидвокс. Цымыдисаг концерты сфæлдыстадон коллективтæ аивадуарзджытæн равдыстой Мæзæджы районы хъæздыг культурон цард. Куыд алывæрсыг у, уый.

Культурæйы аз байгом кæндзæн ног гæнæнтæ, йæхи бафæлварыны фæнд чи кæны, уыдонæн. Районы ныртæккæ кусы 50 культурæйы куыстуаты. Уыдонæй дæс сты адæмон, иннæ та дæнцæгæн хæссинаг коллектив. Уый æдде ма алы хъæуы дæр ис культурæйы хæдзар, библиотекæ, аивæдты скъола æмæ филиалтæ. Хуыздæр клуб æмæ хуыздæр культурæйы кусæджы равзарыны тыххæй бынæттон разамынд ацы аз снысан кодта конкурстæ саразын.