Дзæуджыхъæуы нывкæнынады скъола «Синяя птица» кæд 9 мæйы йеддæмæ нæма кусы, уæддæр ныридæгæн æвзонг нывгæнджытæ цæмæй раппæлой, уый ис. Æрæджы Пензæйы дунеон
Къахдзоныгътыл аив бырын, хоккей, æмæ зымæгон спорты æндæр хуызтæ, стæй, кæй зæгъын æй хъæуы, майдантæ, дидинджытæ æмæ къухæмдзæгъд. Ацы зæрдæмадзæугæ ныв у Сочийы олимпиадæ аивæдты скъола «Синяя птица»-йы æвзонг нывгæнджыты цæстæй. Фарастаздзыд Бититы Георгий йе нкъарæнты дзуры, алы бæстæты спортсменты ахастдзинæдтæ куыд сныв кодта, уый. Равдысты ма фенæн ис Сочийы Олимпаг хъæзтыты символтæ – урс арс, тæрхъус æмæ леопрады нывтæ. Адæймаджы цæст райы æндæр темæтимæ баст нывтæй дæр. Алкæцыйыл дæр дзы сывæллæттæ бакустой зæрдиагæй.
Аивæдты скъолайы хъомылгæнинæгты фыццаг равдыст цæттæ у. Фенæн дзы ис 9 мæйы куысты хатдзæгтæ. Æвзонг нывгæнджыты куыстытæн та аргъ кæнынц сæ хæстæджытæ æмæ хæлæрттæ.
Равдыст у алыхуызон нывтæй конд: ныв кæнынад, графикæ, скульптурæ. Экспозици равæрдтой скъолайы алы залты. Ис дзы сæдæ куыстæй фылдæр. Сæ автортæ сты 5 азæй 17 азы онг кæуыл цæуы, ахæм рæзгæ фылдæр.
Мæнæ ацы куыстытæ та сты скъолайы æппæтæй кæстæр хъомылгæнинæгты къухæй конд. Иу гыццыл хыссæ, ахорæнтæ, стæй ма кæй зæгъын æй хъæуы фантази. Æмæ дзы рауади мæнæ ахæм домбайы лæппын.
Скъола 9 мæйы йеддæмæ нæма кусы, фæлæ уыцы рæстæгмæ сывæллæттæ архайдтой цалдæр равдысты. Уымæй уæлдай сæ нывтæ арвыстой Пензæмæ.
Ныртæккæ та ахуырдзаутæ кусынц студенттæн цы хæслæвæрдтæ вæййы, ахæмтыл. Кæд сæ размæ æнцон хæс æвæрд нæй, уæддæр сæ ныфс хæссынц, æмæ сæ уырны, цыбыр рæстæгмæ сæ къухы стыр æнтыстдзинæдтæ кæй бафтдзæн, уый.
