филиал вгтрк государственная телерадиовещательная компания “Алания”

Ахæм хъуыдыимæ Федерацийы Советы радон æмбырды раныхас кодта Цæгат Ирыстонæй сенатор Хацъæты Олег. Уæлдæр палатæйы Сæрдар Валентина Матвиенко хъахъхъæнынады æмæ социалон политикæйы комитетты разамонджытæн бабар кодта, цæмæй наркотикты зилдухмæ цæстдарды службæимæ бацæттæ кæной ивддзинæдтæ æмбæлгæ федералон закъонмæ. Хацъæты Олег загъта, регионтæй æппынæдзух курдиæттæ кæй цæуынц, цæмæй ацы фарста барадон æгъдауæй лыггонд æрцæуа, уый тыххæй. Æрæджы насвай уæй кæныны ныхмæ раныхас кодта Цæгат Ирыстоны сæргълæууæг Мамсыраты Таймураз. Фарста алыг кæнынæн хъæуы федералон закъонмæ ивддзинæдтæ бахæссын.