Завод «Кетон»-ы фæсарæйнаг кусæнгæрзтæ æвæрд æрцыд 25 азы размæ. Уæдæй абонмæ сæ продукцийæн æмбал нæй. Хъæуы алы къабæзты дæр. Æмгуыст кæнынц Уæрæсейы егъаудæр куыстуæттимæ.
Ацы бонты завод бæрæг кæны йе 30 азы юбилей. Уый кадæн арæзт æрцæудзысты сæрмагонд мадзæлттæ. Хуыздæр кусджытæ та хорзæхгонд æрцæудзысты Кады грамотæтæй æмæ арфæйы фыстæджытæй.
Ольга Литвиненко завод кусы «Кетон»-ы кусы 27 азы. Фæллой кæнын дзы райдыдта бындур æвæрд куы æрцыди, уæд цалдæр азы фæстæ. Скъола каст фæуыны фæстæ. Йæхæдæг куыд зæгъы, афтæмæй йæм уал азмæ йæ куыст аивыны хъуыды нику æрцыд.
Ольгæ Литвиненко, завод «Кетон»-ы кусæг «Мæ куыст мæ зæрдæмæ цæуы. Фæллой дзы кæнын бирæ азты. Фæлæ мæ дæсныйад аивыны фæнд никуы скодтон. Ис нæм тынг хорз специалисттæ. Мæнæн ме мкусджытæ сты куыд мæ бинонтæ. Куысты фылдæр рæстæг æрвитæм хæдзарæй».
Ныртæккæ завод «Кетон»-ы архайы сæдæ адæймаджы. Фæллой кæнынц дыууæ радæй. Куыстуаты сын ис æппæт уавæртæ – афоныл мызд, социалон пакет.
Ацы куысæнгæрзтæ дзы æвæрд æрцыди 25 азы размæ. Уæд йе ххуысæй фыццаг хатт скодтой лавсанæй пленкæ. Ацы æрмæгæй раст куы пайда кæнай, уæд ма йæ бон лæггад кæнын у иу уый бæрц, зæгъынц специалисттæ. Уыимæ йын бæстæйы æмбал нæй.
«Кетон»-ы цы пленкæ кæнынц, уымæй пайда кæнынц конденсатортæ, электротехникæ кæнгæйæ, хъæугæ у продукттæ цы къоппыты вæййынц, уыдон тухгæйæ дæр.
30 азмæ заводы бирæ ивддзинæдтæ æрцыди, зæгъы генералон директор Саламаты Рашид. Советон рæстæджы дзы уагътой мингай тоннæтæ продукци. Æрвыстой йæ цæдисы æппæт республикæтæм. 90-æм азты хъуыддаг аивта.
Заводы сæйрагдæр фарстатæй иу у – кадрты хъуыддаг. Алы аз дæр дзы практикæ фæцæуынц Цæгат Кавказы Хæххон Металлургон Институты студенттæ. Уæвгæ, ахуыргæнæндоны ацы заводæн хъæугæ специалисты нæ цæттæ кæнынц.
«Кетон»-ы разамынд документтæ арвыста профилон уагдонмæ. Цæмæй хуыздæр кусджыты фæллой æхцайæ æрхъуыды кæной, уый тыххæй. Ныр та уал зæрдиагæй цæттæ кæнынц сæ юбилеймæ.
Хуыриаты Олег, завод «Кетон»-ы генералон директоры хæдивæг: «Цы хистæртæ дзы куыста ам, уыдон стыр фæд ныууагътой. Æрхъуыды сæ кæндзыстæм. Абоны кусджытæн та мæ зæрдæ зæгъы, æнæниздзинад, æмæ ма бирæ азты сæ зæрдæтæ сæ куыстæй куыд рухс кæной, уый».
Заводы æртын азы юбилеймæ сын ратдзысты промышленносты министрады арфæйы фыстæджытæ, æмæ республикæйы Хицауады кады гæххæттытæ.
