Поликлиникæйы куыд зæгъынц, афтæмæй вакцинæйæ сты æххæст. Ацы азы дыууæ мæймæ дохтыртæ прививкæтæ скодтой 628 адæймагæн. Вакцинации кæндзысты дарддæр.
Битарты Руслан Дзæуджыхъæуы æртыккаг поликлиникæмæ æрбацыди фадынæджы ныхмæ прививкæ скæнынмæ. Куыд зæгъы, афтæмæй ацы хъуыддагмæ раздæр афтæ бæрнон цæстæй нæ касти. Фæлæ низ парахат кæнын куы райдыдта, уæд йæ цæстæнгас аивта.
Поликлиникæйы куыд зæгъынц, афтæмæй вакцинæйæ сты æххæст. Ацы азы дыууæ мæймæ дохтыртæ прививкæтæ скодтой 628 адæймагæн. Вакцинации кæндзысты дарддæр.
Профилактокон куыст цæуы сывæллæтты поликлиникæты дæр. Хостæ исынц алы мæй дæр. «Афоныл хъæугæ мадзæлттæ кæй кæнынц, уымæ гæсгæ низ нæ парахат кæны», – зæгъынц педиатртæ. Фæлæ уæддæр бирæ ныййарджыты сæ сывæллæттæн привикæтæ кæнын нæ уадзынц.
Республикæйы фадынæг фæзынд дыууæ хатты – бирæвæрсыг медицинон центры дзы фæрынчын сты 8 адæймаджы. Æфсæнвæндаджы транспорты техникумы та 13 адæймаджы. Республикæйы роспотребнадзор æмæ æнæниздзинадхъахъхъæныны министрад иумæ алы мæй дæр скæнынц маниторинг, æмæ дзы сæ хъуыдымæ гæсгæ тæссагæй ницы ис.
Медицинон куыстуæттæй уæлдай ма, прививкæтæ кæнынц скъолаты дæр. Сæйрагдæр у, вакцинæ домæнтæм гæсгæ ласын.
Бæрæггæнæнтæм гæгсæ, республикæйы фадынæгæй рынчын кæныны хъуыддаг кæны къаддæр, фæлæ поликлиникæты вирусы ныхмæ вакцинаци кæнынц æнæрлæугæйæ.
Специалисттæ куыд зæгъынц, афтæмæй прививкæтæ скæнын хъæуы æнæмæнгæй, цæмæй та низ республикæйы ма апарахат уа, уый тыххæй.
Касаты Наирæ
