филиал вгтрк государственная телерадиовещательная компания “Алания”

Фæндæгтыл æдасæй цæуыны паддзахдон инспекцийы кусджытæ сылгоймаг-шофыртæн раарфæ кодтой 8-æм мартъийы бæрæгбоны фæдыл дидинджытæ æмæ рæсугъд ныхæстимæ. Ахæм хъæлдзæг райсом балвар кодтой инспектортæ абон сылгоймæгтæн. Уымæй дарддæр ма сæ алкæмæндæр лæвæрд æрцыд паддзахадон автоинспекцийы управленийы хицау Беккуызарты Хасанбеджы номæй арфæйы фыстæг дæр. Автоинспектортæ шофыр-сылгоймæгтæн загътой, цæмæй бирæ азты уой æнæниз æмæ амондджын, стæй рæсугъд æмæ лæгъз фæндæгтыл куыд цæуой. Ахæм æнæнхъæлæджы бæрæгбон сылгоймæгты зæрдæмæ тынг фæцыд.