филиал вгтрк государственная телерадиовещательная компания “Алания”

Мамсыраты Таймураз, Такъоты Сергей, Фадзайты Арсен. Ацы æртæ политикы Цæгат Ирыстоны сты æппæтæй зындгонддæр. Ахæм иртæстытæ скодтой нырыккон кавказаг политикæйы центры специалисттæ. Фембæлдысты Цæгат Ирыстоны журналисттимæ, æмæ сын фехъусын кодтой сæ иртæстыты тыххæй. Ахæм æрфарст центры специалисттæ скæнынц æппæт цæгаткавказаг республикæты. Ирыстоны бафарстой мин адæймагæй фылдæры. Иртæстыты сæйраг нысан у – æхсæнады актуалон фарстатæ сбæрæг кæнын. Зæгъæм, ацы æрфарсты сбæрæг кодтой, нæ республикæйы цæрджытæ фылдæр бынæттон телеуынынадмæ кæсын кæй уарзынц, уый. Дыккаг бынаты ис интернет, æртыккаджы та мыхуыры фæрæзтæ. Сæйрагдæр фарстатæ сты – экологийы сыгъдæгдзинад, куысты бынæттæ кæй нæ фаг кæны, уый æмæ фæсивæды раст хъомылад. Специалистты хъуыдымæ гæсгæ ацы фарстатæ тыхсын кæнынц Уæрæсейы бирæ регионты цæрджыты.