Йæ бæрæгбоны фæдыл актрисæйæн раарфæ кодтой йе `мкусджытæ æмæ хиуæттæ. Уырыссаг театры та йын скодтой бенефис. Йæ юбилей Наталья Елпатова бæрæг кæны йæ уарзон сценæйы, йе `мкусджыты хсæн.
Наталья Елпатова, УФ-йы æмæ РЦИ-Аланийы сгуыхт артисткæ: «Амонд цы у – уарзон дæсныйад æмæ бинонтæ. Алцæмæй дæр хайджын дæн. Мæ уарзон театр, сценæ, рæсугъд æмæ сыгъдæгзæрдæ `мкусджытæ, уый тынг ахсджиаг у».
Нижний Новгороды театралон училищæйы рауагъдон, Наталья Елпатова Дзæуджыхъæумæ ссыд 1975-æм азы. Æмæ уæд æгæронæй бауарзта Ирыстон. Ирон аивадуарзджытæн балæвар кодта бирæ алыхуызон сурæттæ – Лиза Бричкина спектаклы «А зори здесь тихие», Белотелова «Женитьба Белугина»-йы, Устинья Наумовна «Банкрот»-ы, Голда «Поминальная молитва»-йы æмæ бирæ æндæртæ.
Хæбæлаты Фатимæ, РЦЫ-Аланийы культурæйы æмæ дзыллон коммуникациты министр: «Абон æцæгдæр бæрæгбон ис Уырыссаг театры, уымæн æмæ Нататлья Уырысаг театры цы актертæ кусы, уынæн сæ зынгонддæртæй иу у. Уæрæсейы сгуыхт артисткæ, Ирыстоны адæмон артисткæ, Къостайы премийы лауреат, стæ ма куыд адæймаг дæ, тынг рæсугъд адæймаг у».
Йæ юбилейы фæдыл Уæрæсейы æмæ Цæгат Ирыстоны сгуыхт артисткæ, Хетæгкаты Къостайы номыл премийы лауреат Наталья Елпатовайæн раарфæ кодтой республикæйы хицауады минæвæрттæ, йе `мбæлттæ æмæ хиуæттæ. Стæй, æнæмæнг, йæ уарзон æмкусджыты лæвар – хъæлдзæг театралон изæр. Æмдзæвгæтæ æмæ зарджытæ – се ппæт дæр уыдысты хъæлдзæг æмæ æдзух æрыгон Наталья Елпатовайы тыххæй.
Гугкаты Иринæ
