филиал вгтрк государственная телерадиовещательная компания “Алания”

Сæдæйы сæр. Дзæуджыхъæуы, Чайковскийы номыл сывæллæтты 1-æм музыкалон скъола æппæтуæрæсейон конкурс «Уæрæсейы 100 хуыздæр скъолаты» хатдзæгтæм гæсгæ рамбылдта сызгъæрин майдан. Конкурс арæзт æрцыд фарон Уæрæсейы ахуырад æмæ наукæйы министрады, стæй Федерацийы Советы иумæйаг хъæппæрисæй. Йæ нысан у – стыр æнтыстдзинæдтæ кæй къуыхы æфты, уыцы ахуыргæнæндон сбæрæг кæнын. Кадджын ном райсынмæ куырдиæттæ балæвæрдтой Уæрæсейы 53 мин скъолайы. Дзæуджыхъæуы 1-æм музыкалон скъолайы директор Къарджиаты Фатимæ та рамбылдта хуыздæр разамонæджы конкурс. Ацы ахуыргæнæндоны сæ рæстæджы ахуыр кодтой Гергиты Валерий æмæ Ларисæ. Директор куыд зæгъы, афтæмæй дзы ныр дæр ахуыр кæны зæрдæргъæвд, куырдиатджын фæсивæд.