филиал вгтрк государственная телерадиовещательная компания “Алания”

Пенсион фонды кусджытæ сæ лæггæдтæ адæмæн хæдзæртты нæ кæнынц. Сæ номæй сæм чи æрбацæуы æмæ адæмы паспорты бæрæггæнæнтæ базонын фæнд чи кæны, уыдон пенсион фондмæ ницы бар дарынц. Цæгат Ирыстоны пенсион фонды кусджытæ респуликæйы цæрджытæй курынц, цæмæй уой къæрцхъусдæр.

Куыд зонут, афтæмæй Мæскуыйы сарæх сты, пенсиисджыты чи фæливы æмæ сын сæ паспортты бæрæггæнæнтæ чи расайы, ахæм адæм. Уымæй уæлдай иу ацæргæ адæмы сæхиуыл баууæндын кодтой, стæй иу сын сæ мулк фæдавтой. Аферисттæ арæхдæр цæуынц социалон æххуыс кæй хъæуы, уыдонмæ. Зæрдæ сын бавæрынц материалон æххуыс бакæнынæй, фæлæ раздæр бафидын кæнынц хъалон.

Искæй сæ хæдзæрттæм бауадзыны размæ уал сын бацагурын фæхъæуы сæ æвдисæндар. Хорз уаид, пенсион фондмæ-иу куы æрбадзуриккой, искæй сæм æрбарвыстой æви нæ, уый сбæрæг кæнынæн.