Цæмæй Цæгат Кавказы республикæтæ иумæ кæной культурон æмæ информацион куыст, уымæн цы мадзæлттæ саразын хъæуы, уыцы фарстатыл ныхас цыд регионты хсæн тымбыл стъолы æмбырды.
Ацы сахат Дзæуджыхъæуы ЦИПУ-йы дарддæр цæуы йæ куыст. Архайынц дзы Цæгат Ирыстоны фæсивæдон парламенты, æхсæнадон организациты минæвæрттæ, блогертæ. Æмбырдмæ ссыдысты делегаттæ Хуссар Ирыстонæй, Цæцæны æм Мæхъæлы республикæтæй, Кæсæг-Балхъарæй.
Æгасцуай сын загъта, РЦИ-Аланийы Парламенты сæрдары фыццаг хæдивæг Къесаты Станислав. Тымбыл стъолы архайджыты иумæйаг хъуыдымæ гæсгæ Кавказы фæсивæд тырны размæ, архайы алы къабæзты йæхи хорз равдисыныл. Бирæтæ дзы сæхи хорз æвдисын хицаудзинады оргæнты куысты. Уымæ гæсгæ сын хъæуы уæлдай æххуыс кæнын. Уæлдайдæр та паддзахады рдыгæй. Уæд дзы бирæтæй фидæны рауайдзæн паддзахадон оргæнты дæсны специалисттæ.
Тымбыл стъолы архайджытæ рахастой уынаффæ, хæстæгдæр рæстæг саразын Æппæткавказаг форум, цæмæй дзы Кавказы фæсивæд фембæлой æмæ кæрæдзийы базонгæ кæной сæ проекттимæ. Радзурой сæ фæлтæрддзинады тыххæй, сæ къухы цы *нтыстдзинæдтæ бафтыд, уыдоны тыххæй.
