26 марта 2014, 11:47
1993-æм азæй фæстæмæ æнæниздзинадхъахъхъæнынады æппæтдунеон организацийы уынаффæмæ гæсгæ, бæрæг кæнынц тарнизимæ тох кæныны бон
1882 азы немыцаг микробиолог Роберт Кох сбæрæг кодта ацы низы хатт. Статистикæйы бæрæггæнæнтæм гæсгæ, æрвылаз дæр тарнизы аххосæй амæлы 1 милуан æмæ 500 мин адæймагæй фылдæр.
1882 азы немыцаг микробиолог Роберт Кох сбæрæг кодта ацы низы хатт. Статистикæйы бæрæггæнæнтæм гæсгæ, æрвылаз дæр тарнизы аххосæй амæлы 1 милуан æмæ 500 мин адæймагæй фылдæр. Уæрæсе хауы, æппæтæй фылдæр рынчынтæ кæм ис, уыцы 22 бæстæмæ. Цæгат Ирыстоны та тарнизæй рынчынты нымæц хæццæ кæны 1 300-мæ. Уыимæ дзы фылдæр рынчын кæнынц ахуырдзаутæ æмæ студенттæ. Уый зонгæйæ, дохтыртæ фылдæр профилактикон куыст кæнынц фæсивæдимæ. Тарнизимæ тох кæныны бон ахæм профилактикон мадзал уыд Хæххон аграрон университеты. Фæсивæдæн ноджыдæр ма иу хатт бамбарын кодтой, афоныл диспансеризаци кæнын, рентген æмæ дохтыртæм цæуын куыд ахсджиаг у, уый. Ахæм фембæлдтытæ Хæххон аграрон университеты арæх вæййы. Дохтырты æмæ университеты разамынды бадзырдмæ гæсгæ алы къуыри дæр кафедрæты фембæлынц студенттимæ æмæ семæ фæкæнынц æмбарынгæнæн куыст.
темæмæ гæсгæ
