Ууыл ныхас цыд РЦИ-Аланийы æнæниздзинадхъахъхъæнынады министрады. Æппæт районты дæр скодтой медицинон кусæнгæрзты, техникæйы æмæ транспорты инвентаризаци.
Министрады специалистты хъуыдымæ гæсгæ хъуыддаг къуылымпы кæны уымæн, æмæ бирæ кусæндæттæ хæстæ дарынц кредиттæй, лыггæнинаг фарстатæ ис, цы зæххытыл сты, уыдонмæ гæсгæ дæр. Æмтгæй райсгæйæ сæ кредитон хæс у 38 милуан сомы. Медицинон кусæндæттæ республикон министрады бæрны куы бацæуой, уæд сæ хæстæ дæр фидинаг уыдзысты уыдонæн. Зæххыты фарстатыл та æнæниздзинадхъахъхъæнынады министрад бакусдзæн республикæйы исбонады министрадимæ иумæ.
Специалистты хъуыдымæ гæсгæ, æппæт кусæндæттæ иу министрады бæрны кæй уыдзысты, уый хуыздæрырдæм фæзындзæн сæ куыстыл æмæ сæ архайдыл. Дохтыртæ та сæ зæрдæ дарынц хæстæгдæр рæстæг хуыздæрмæ ивддзинæдтыл.
Ирбек Воскобойников, Беслæны районы рынчындоны анестезиологийы æмæ реанимацийы хайады сæргълæууæг: «Йер мах отделени байгом 2011 азы æмæ уæдæй фæстæмæ иууылдæр архайынц хорз кусæнгæрзтæй йæ сифтонг кæныныл. Бирæ цыдæртæ æлхæд æрцыд, фæлæ ма уæддæр хъуаг æййафæм. Нырыккон техникæ балхæнын хъæуы реанимацион отделени скæнынæн».
