Советон æфсæдтæ Афганистанæй ракæныны 25 азы кадæн нæ республикæйы цы мадзæлтты пълан и, уый æххæст кæнынц дарддæр. Республикæйы Сæргълæууæг Мамсыраты Таймуразы
Беслæны цæрæг Мысыкаты Анатолий Афганистаны хæсты 1982-м азы фæци уæззау цæф æмæ баззад æнæ къахæй. Йæ интернационалон хæс æххæст кæнгæйæ цы хъæбатырдзинад равдыста, уый тыххæй йын саккаг кодтой Сырх Стъалыйы орден. Республикæйы Сæргълæууæг Мамсыраты Таймуразы номæй йын машинæ балæвар кодтой Хицауады сæрдары хæдивæг Челæхсаты Рустем æмæ фæллой æмæ социалон рæзты министр Тугъанаты Ларисæ. Ног машинæ ифтонг у автоматикæйæ æмæ йыл у æнцон цæуæн.
Мысыкаты Анатолий, Афганистаны хæсты архайæг: «Раздæр нын паддзахады номæй лæвæрдтой машнæтæ. Фæстаг машинæ дæр Мамсыраты Таймуразы къухтæй райстон. Æмæ уæд уыд федералон программæ, ныр та йæхи номæй лæвар у, æмæ ныр Мамсыраты Таймуразы къухæй дыккаг машинæ райстон. Чи ма æнхъæлмæ кæсы, уыдонæн дæр афтæ сæ къухы куыд бафта».
Сунжæйаг Мæхъиты Славик дæр йæ рæстæджы хорзæхджынгонд æрцыд Сырх Стъалыйы орденæй. Афганистаны хæсты цæ уæззау цæфтæ райста, уыдоны аххосæй баззад æнæ къæхтæй. Уымæн дæр ног машинæ зынгæ фенцондæр кæндзæн йæ архайд.
Мæхъиты Славик, Афганистаны хæсты архайæг: «927-æй ацыдысты нæ республикæйæ Афганистанмæ, 56 сæ не ‘хсæн нал сты, рухсаг уæнт, дзæнæты бадæнт. Хицауад нæм се ‘ргом здахынц. Ацы машинæйыл æнцондæр цæуæн уыдзæн, автоматикæ дзы ис.
Хæстон цауты инвалидтæн раздæр машинæтæ лæвæрдтой федералон программæтæм гæсгæ, ныртæккæ та уый у республикæйы Сæргълæууæджы хи хъæппæрис. Советон æфсæдтæ Афганистанæй ракæныны 25 азы кадæн нæ республикæйы цы мадзæлтты пълан и, уый æххæст кæнынц дарддæр. Тугъанаты Ларисæ куыд загъта, афтæмæй ацы аз æрмæст материалон æххуысæн хардзгонд æрцыд 3 милуан соммæ æввахс.
Фæрниаты Мæдинæ
