Фæндæгтыл цæуыны культурæ у æдасдзинады нысан. Горæтгæрон районы уыд акци «Æдас цалх»

06 мая 2014, 11:15

Арæзт æрцыд мидхъуыддæгты министрады паддзахадон автоинспекцийы Горæтгæрон районы хайады, ахуырады управленийы æмæ Уæрæсейы автомобилистты æхсæнады регионалон хайады хъæппæрисæй.

Архайдтой дзы районы 10 скъолайы æвзонг инспектортæ. Йæ сæйраг нысан у сывæллæтты хсæн æдасдзинады домæнтæ парахат кæнын æмæ сын амонын, цæмæй фæндæгтыл фыдбылызтæ цæуой къаддæр. Сывæллæтты зонындзинæдтæн аргъ кодтой республикæйы паддзахадон автоинспекцийы управленийы хицауы хæдивæг Бекъойты Артур æмæ районы хайады разамонæг Пухаты Гаврил.

Æвзонг инспектортæ ерыс кодтой фыццаг медицинон æххуыс кæнынæй, фæндæггон нысантæ зонынæй, велосипедыл раст цæуынæй æмæ фæндæгтыл цæуыны æгъдæуттæ зонынæй. Уымæй уæлдай ма бацæттæ кодтой плакаттæ æмæ сценикон миниатюрæтæ.