филиал вгтрк государственная телерадиовещательная компания “Алания”

Цæгат Ирыстоны дæр ис цалдæр радиостанцæйы. Паддзахадон телерадиокомпани «Алани»-йы радиохъусынады специалисттæ сæ бæрæгбоныл æмбæлынц æхсызгонæй. Уымæн æмæ æрфарстытæм гæсгæ, нæ республикæйы цæрджыты 83% уарзынц хъусын радио «Алани» – мæ. Уымæй дарддæр сæм фæзынд ног кусæнгæрзтæ. Баивтой монтажгæнæн пультытæ. Уазджыты студи фæуæрæхдæр кодтой. Æмæ йæм нырæй фæстæмæ фадат уыдзæн 10 адæймаджы æрбахонынæн. Нырыккон аппаратурæйы руаджы та уыцы иу рæстæг комкоммæ эфирмæ æрбадзурæн уыдзæн дыууæ радиомæхъусæгæн. Куыд зæгъынц, афтæмæй аразынц алцыдæр адæмы удæнцойдзинадæн.

Баллаты Ритæ, ПТРК «Алани»- йы амонæг: «7-æм май не ппæтæн дæр у стыр бæрæгбон. Фæнды мæ раарфæ кæнын, ам чи куыста, чи кусы æмæ ма чи кусдзæн, уыдонæн дæр. Уæлдай арфæ кæнын, нæ радиомæхъусджытæн. Уыдон куы нæ уой, уæд нæ куыст у дзæгъæлы».