филиал вгтрк государственная телерадиовещательная компания “Алания”

Нырыккон тæрхондоны системæйы куысты принциптæ сты рæстдзинад æмæ æргомдзинад. Тæрхондæтты æмæ дзыллон информацийы фæрæзты минæвæртты æмгуыстадыл абон ныхас кодтой тымбыл стъолы уæлхъус. Цæгат Ирыстонмæ хуынд æрцыдысты эксперттæ. Фембæлдысты нæ республикæйы тæрхондæтты сæрдартимæ æмæ журналисттимæ. Сæ фæрстытæн дзуæппытæ лæвæрдтой Новосибирскы облæсты тæрхондоны сæрдар Римма Шатовкина, Уæрæсейы Сæйраг тæрхондоны дзыллон информацийы фæрæзтимæ бастдзинады хайады хицау Вадим Зиятдинов æмæ Рæзаны облæсты тæрхондоны специалист Ирина Матвеева. Цæгат Ирыстоны Сæйраг тæрхондоны тæрхонгæнæг Илья Панаиотиди куыд загъта, афтæмæй фæстаг рæстæг адæм фылдæр сæ зæрдæ дарын райдыдтой раст тæрхоныл. Æмæ уый банымайæн ис æхсызгоныл.