филиал вгтрк государственная телерадиовещательная компания “Алания”

Ацы къабазы закъонты æмæ исбон хыгъдмæ бахæссыны фарстатыл ныхас цыд Федералон нотариалон палатæйы æмæ Цæгат Кавказы нотариусты конференцийы. Архайдта дзы Уæрæсейы федералон нотариалон палатæйы президент Константин Корсик. Куыд фæнысан кодта, афтæмæй июлы архайын райдайдзæн нотариаты иумæйаг информацион системæ. Уыдзæн дзы æртæ хайы. Уыимæ ма ацы азы 1-æм февралæй адæмæн фадат ис исбоны хъуыддæгтыл бадзырдтæ аразын æрмæст нотариусты æххуысæй. Уыдон сæхæдæг æмбæлгæ гæххæттытæ бадæтдзысты паддзахадон реестрмæ. Операци конд æрцæудзæн 5 бонмæ. Конференцийы архайджытæ куыд фæнысан кодтой, афтæмæй ахæм хуызы бадзырдтæ хуыздæр хъахъхъæд цæуынц.

Зæнгионты Виталий, РЦИ-Аланийы хицауады сæрдары хæдивæг: «Ног фадæттæ радтой нотариустæн, цæмæй адæмæн æххуыс кæной. Цæмæй сын сæ бартæ æмæ ахсджиаг фæндтæ æххæст кæной, уый тыххæй. Æмæ ног закъон куыд æххæст кæнын хъæуы, уый тыххæй конференции цæуы. Æмæ Цæгат кавказы цы субъекттæ ис, уыдоны нотариалон палатæты хицæуттæ ам сты æм бæлвырдæй ныхас кæнынц, цæмæй адæмæн сæ фадæттæ хуыздæр кæной, уый тыххæй».