Машинæты шофыртæн ма иу хатт сæ зæрдыл æрлæууын кодтой, расыгæй машинæйы чи сбады, уыдон фæндæгтыл цæугæйæ куыд тæссаг сты, уый. Цæмæй йæ хуыздæр банкъарой, уый тыххæй
Паддзахадон автоинспекцийы специалистты бæрæггæнæнтæм гæсгæ сæрдыгон фæлладуадзæн рæстæг дзæвгар фæфылдæр вæййынц фæндаггон фыдбылызтæ. Сæ фылдæр – нозтджын шофырты аххосæй. Æрмæст ацы азы 4 мæймæ республикæйы æрцыд 234 фæндаггон фыдбылызы. Фæмард дзы 49 адæймаджы, 283-йæ та цæфтæ фесты.
Уымæ гæсгæ инспектортæ сæ зæрдæ дарынц, ахæм дæнцæгтæм кæсгæйæ, шофыртæ фæндæгтыл сæхи дарын кæй базондзысты æмæ карз нозт кæй нæ нуаздзысты, ууыл. Хъуамæ сæ алчидæр бамбара – æрмæст сæхи цардыл хъуамæ ма хъуыды кæной, фæлæ ма цы бæлццæтты ласынц, уыдоныл, стæй фистæгæй цæуджытыл. Ахæм рейдтæ арæзт цæудзысты дарддæр дæр.
