Сæ куыстытæ æрыгон дизайнертæ равдыстой 6 номинацийы. Конкурсы æвдыст æрцыд 42 коллекцийы. Алыхуызон рæсугъд уæлæдарæс аив чызджытыл. Ныр 8-æм хатт Дзæуджыхъæуы арæзт
Колыты Фатимæ, ЦИПУ-йы физикон-технологон факультеты технологиты æмæ уæлæдарæс аразыны кафедедрæйы доцент: «Зæгъын мæ фæнды, алы аз нæ конкурсы архайджытæ хорз сæхи бацæттæ кæнынц. Вæййы сæм бирæ цымыдисаг хъуыдытæ æмæ нæ дисы бафтауынц. Ацы аз нæм æрцыдысты хуыздæр æвзонг дизайнертæ Мæскуыйæ, краснодарæй, Ростовæй æмæ Хуссар Ирыстонæй».
«Дебют», «Александровский проспект», «Этностиль», «Эксперимент», «Легенды нашего кино» æмæ «Арт-Дизайн». Æрыгон дизайнертæ сæ куыстытæ равдыстой 6 номинацийы. Алывæрсыг æмæ цымыдисаг хъуыдытæ сæм кæй ис, уый æнæмæнг у. Цæгат Ирыстоны паддзахадон университеты физикон-технологон факультеты студенттæ Дриаты Алинæ æмæ Лалыты Наталья конкурсы равдыстой сæ иумæйаг куыст. Арæзт æрцыд Дзæуджыхъæуы юбилеймæ.
Дриаты Алинæ, ЦИПУ-йы физикон-технологон факультеты студенткæ: «Нæ коллекци бацæттæ кодтам Дзæуджыхъæуы юбилеймæ. Æмæ алы дзаумайыл дæр ис нæ горæты цы хуыздæрбынæттæ ис, уыдон. Юузныг зæгъын нæ ахуыргæнджытæн, чи нын баххуыс кодта æмæ нын чи амыдта».
Конкурсы жюрийы ис зындгонд дизайнертæ, уæлдæр ахуыргæнæндæтты разамонджытæ, журналты редактортæ. Куыд зæгъынц, афтæмæй куыстыты æмвæзад у бæрзонд.
Æлборты Æхсæртæг, Цхинвалы сывæллæтты аивæдты скъолайы директор: «Мæнæн тынг æхсызгон у, ахæм конкурс Ирыстоны зæххыл кæй цæуы. Уæлæдарæсы дизайнерæн стыр актуалон нысаниуæг ис. Уымæн æмæ ахæм адæймаг нæй, дарæсыл йæ цæст чи нæ æрæвæры, йæхи дзы чи нæ буц кæны. Æмæ хорз вæййы, ног куыстытæ фæсивæд адæмы размæ куы рахæссы».
Конкурсы гран-при райстой æрыгон дизайнер Мæскуыйы облæстæй, горæт Королевæй – Виктория Лебедева. Йæ коллекци «Шепот рун» архайдта номинаци «Этностиль»-ы.
