филиал вгтрк государственная телерадиовещательная компания “Алания”

Къордты хъомыл кæндзæн фæйнæ 25 сабийы. Агъуыстытæ сифтонг кодтой хъæугæ дзаумæттæй. Республикæйы скъолайы агъоммæ ахуыргæнæндæтты уæгъд бынæттæ нæй. Фæлæ ацы аз социалон фарста гыццылгай рогдæр кæнын райдыдта. Дзæуджыхъæуы 7-æм, 93-æм æмæ 38 рæвдауæндæтты байгом сты уæлæмхасæн къордтæ. Уыди сын бæрæгбонау. Дулаты Таймураз Дзæуджыхъæуы 7-æм рæвдауæндонмæ кæны ныр йæ 4-æм кæстæры – кæстæры. Йæ зæрдæ дары, ноджыдæр ма кæй кæндзæн, ууыл.

Ног къорд байгом кæныны æмæ сырх лент алыг кæныны бар лæвæрд æрцыди Дзæуджыхъæуы ахуырады управленийы хицау Тменаты Алексейæн.
Къордтæ сты егъау æмæ райдзаст. Кусæнгæрзтæ æмæ хъазæнтæ æлхæд æрцыдысты къордтæ куы арæзтой, уæд. Уымæ гæсгæ сабиты æнхъæлмæ кæсын нæ бахъуыди. Нырыккон хъазæн фæзтæ, хæрзъæд хæринаг, алцæмæй дæр сты ифтонг.

Ног къорд конд æрцыд раздæры спортивон залы бынаты. Хъармгæнæн системæ, электрон тыхы хæтæлтæ, пецтæ, канализаци – иууылдæр сты ног æмæ нырыккон. Хъомылгæнджытæ куыд зæгъынц, афтæмæй-иу 90-æм азты дæр, ноггуырдты нымæц зынгæ къаддæр куы уыди, уæддæр-иу ацы рæвдауæндоны къордтæ уыдысты дзаг.

Цомайты Ларисæ, Дзæуджыхъæуы 7-æм рæвдауæндоны сæргълæууæг: «Биганаты Маринæ у бирæсывæллонджын мад. Рæвдауæндонмæ æрбакодта йæ кæстæр чызг Камиллæйы. Сæ радмæ æнхъæлмæ кастысты æртæ азы».

Биганаты Маринæ, ныййарæг: «Дзæуджыхъæуы ахуырады управленийы хицауы ныхæстæм гæсгæ, ма нысан кæнынц, ног рæвдауæндон байгом кæнын, æмæ 80 къордæй фылдæр та цалцæг скæнын. Ныр уал байгом 90 уæлæмхасæн бынаты. Уæвгæ та рæвдауæндæттæм рады лæууы 8 мин сывæллонæй фылдæр».