филиал вгтрк государственная телерадиовещательная компания “Алания”

Николай Цискаридзе «Уазæгуаты Гергиты Ларисæмæ». Фарæстæм æппæтдунеон музыкалон фестивалы программæйы знон уыди балеты изæр. Оперæ æмæ балеты паддзахадон театры къух бакæнæн нæ уыд. Уæрæсейы адæмон артистмæ бакæсынмæ æрбацыд бирæ адæм. Афæдзы размæ дæр ын йæ курдиатæн нæ республикæйы аивадуарзджытæ скодтой стыр аргъ. Æмæ йын уæд лæвæрд æрцыд Цæгат Ирыстоны адæмон артисты ном дæр. Ацы хатт ма Дзæуджыхъæуы цæрджытæн уыд Николай Цискаридзейы хъомылгæнинæгтæм бакæсыны фадат дæр. Сценæ сæ аивадæй барæсугъд кодтой уырыссаг балеты Академийы æвзонг стъалытæ æмæ дунейы æппæтæй рагондæр Агриппинæ Вагановайы номыл балетон скъолайы студенттæ дæр.