филиал вгтрк государственная телерадиовещательная компания “Алания”

Гуманитарон æххуыс. «Урсдоны» пансионатмæ республикæйы цæрджытæ æрвылбон ласынц алыхуызон æххуыс. Ныртæккæ дзы цæры Украинæйæ лыгъд сæдæ адæймаджы.

Пансионат бабæрæг кодтой 7-æм училищæйы ахуыргæнджытæ дæр. Æрбаластой сын лыгъд адæмы фылдæр цы дзаумæттæ хъæуы, ахæмтæ: техникæ, сапæттæ, порошоктæ, сæрдыгон æмæ хъарм дзаумæттæ, сывæллæттæн хъазæнтæ. Хæрз гыццыл сабитæн та Дзæуджыхъæуы цæрæг сылгоймаг баласта коляскæтæ, йæ ном не схъæр кодта. 

7-æм училищæйы директор Цæголты Тамерланы ныхæстæм гæсгæ, цæттæ сты, кæй бафæнда, уыцы чызджытæ æмæ лæппуты ахуыр кæнынмæ райсынмæ дæр.

Дзæуджыхъæуы дæр æмбырд кæнынц лыгъд адæмæн гуманитарон æххуыс. Пункт кусы 10 сахатæй 17 сахаты онг Дзержинскийы уынджы 70-æм хæдзары.