филиал вгтрк государственная телерадиовещательная компания “Алания”

Раарфæ сын кодта Хицауады сæрдар Такъоты Сергей. 25 азæй фылдæр иумæ чи фæцард, уыдоны схорзæхджын кодта майдантæй «За любовь и верность». Æдæппæтæй бæрæгбонмæ æрбахуыдтой 70 бинонты Дзæуджыхъæуæй æмæ республикæйы районтæй. Уыдон бафæдзæхстой æрыгон фæлтæрæн, иумæйаг цард аразгæйæ сæйрагдæр кæй у, кæрæдзийæн аргъ кæнын æмæ æууæндын. Бæрæгбонмæ чи æрбацыд, уыдоны се сфæлдыстадæй бахъæлдзæг кодтой ирон эстрадæйы артисттæ æмæ сфæлдыстадон къордтæ.

Елхъанаты Руслан: «Иумæ стæм 42 азы. Уæдæй нырмæ нæ цард у рæсугъд, нæ кæстæрнтæ нæ фарсмæ сты. Ахæм рæсугъд бæрæгбæттæ махыл дæр, кæстæртыл дæр куыд цæуой, ахæм арфæ Хуыцау ракæнæд».