филиал вгтрк государственная телерадиовещательная компания “Алания”

Цæгат Ирыстоны ахæстæтты ис мин фондзсæдæ адæймагæй фылдæр, дыууæ мины æмæ фондзсæдæ адæймаджы та сты, сæ хæдзæрттæй рацæуæн кæмæн нæй, кæнæ дзырдæй тæрхон кæмæн рахастой, ахæмтæ. Тæрхондæтты уынаффæтæ æххæстгæнæг цæгатирыстойнаг управлени ныртæккæ архайы изолятортæ сцалцæг кæныныл. Дзæуджыхъæуы слестгæнæн изолятортæй иуы ныртæккæ цæуы бындурон цалцæг, уый фæстæ йæ сцалцæг кæндзысты европæйаг домæнтæм гæсгæ. Фидæны нысан кæнынц æппæт изолятортæ дæр ног хуызы скæнын.

Ахст адæмимæ кусынц алыхуызы. Æмбарынгæнæн ахуыртæ сын кæнынц динты минæвæрттæ. Кæй фæнды, уыдонæн та фадат ис, астæуккаг ахуырад райсынæн. Пресс-конференцийы фылдæр æргом аздæхтой, æрæджы цы æхсæнадон – цæстдарæн къамис арæзт æрцыди, уый куыстмæ.