филиал вгтрк государственная телерадиовещательная компания “Алания”

Цæгат Ирыстоны сæргълæууæг Мамсыраты Таймураз тæфæрфæсы тел арвыста Мæскуыйы мэр Сергей Собянины номыл. Уым загъд ис:

 

«Республикæ Цæгат Ирыстон-Аланийы бирæнацион адæмы номæй тæфæрфæс кæнын, Мæскуыйы метрополитены хъыгдард чи баййæфта, уыдоны бинонтæн æмæ хæстæджытæн. Ирыстоны цæрджытæ мæскуыйæгтимæ иумæ сæ зæрдæтæм хæстæг айстой ацы рыст».

Куыд зонут, афтæмæй фыдбылыз æрцыд знон, 15-æм июлы. Мæскуыйы метройы станцæтæ «Славяйнаг бульвар» æмæ «Уæлахизы Парчы» цалдæр вагоны 

рельсытæй кæй рацыдысты, уый аххосæй фæмард дыууын дыууæ адæймаджы, сæдæ æхсайæ та фесты цæфтæ. Абон Мæскуыйы у саударæн бон.