Сæ нысан у ирвæзынгæнджыты дæсныйады алы дисциплинæты ногдзинæдтæ базонын æмæ сæ практикæйыл сфидар кæнын. Уæрæсейы альпинистты цæдисы хъæппæрисæй Цъæйы комы
Цæгат Ирыстоны ахуыртæ арæзт æрцæуынц алы аз дæр. Ацы хатт ирвæзынгæнджытæ хъуамæ сæ фæлтæрддзинад фæфылдæр кæной цалдæр дисциплинæмæ гæсгæ: бæндæнтæй æлхынцъытæ раст бæттын, хæххон цæугæтæтты сæрты хизын, бæрзонд къæдзæхтæм схизын æмæ æндæртæ. Куыд раст кæнын сæ хъæуы. Уый сын амонынц инструктортæ. Сæ фылдæр сты дунеон къласы ирвæзынгæнджытæ.
Ахæм тренировкæтæ, æнæмæнг, кæй хъæуыц уый зоны алы ирвæзынгæнæг дæр. Цы ахадындзинад ын ис, уый дæр æмбарынц. Æмæ кæд æнцон не сты, уæддæр бахъуаджы сахат адæмы фервæзын кæнын сæхицæй аразгæ кæй у, уый сæ разæнгард кæны сæхиуыл хуыздæр кусынмæ æмæ фылдæр базонынмæ. Алы ахуырты дæр ног бæрзæндтæм кæй схизынц, ног хæхтыл кæй ахуыр кæнынц, уый дæр сæм цымыдисаг кæсы.
Ахуыртæ цæудзысты 10 боны. Уыцы мгъуыдмæ ирвæзынгæнджытæ базондзысты сæ куысты цы ног методтæ æмæ кусæнгæрзтæ фæзынд, уыдон. Хæхты цы агурæн-сгарæн куыстытæ æмæ куыд кæнгæ сты, уый. Радон ахуыртæ ногæй цæудзысты Цъæйы. Фæлæ ныр зымæджы.
Зыхъуаты Жаннæ
