Нæй фæндаггон нысантæ – нæй бæрнондзинад. Горæты бонмæ Дзæуджыхъæуы администрации Весеннийы цæрджытæн скодта лæвар, ног фæндаджы хуызы. Морских пехотинцевæй
Хæстæг хæдзæртты цæрджытæ горæты администрацимæ цалдæр хатты арвыстой курдиæттæ, скъолайы цур светофор сæвæрыны тыххæй. Афæдзы размæ ацы ран машинæ скъуырдта ацæргæ сылгоймаджы æмæ æмæ гыццыл чызджы. Хъыгагæн фæмард сты. Уæд дзы сæвæрдтой иу фæндаггон нысан. Ныртæккæ уый дæр у саст.
Фæлæ паддзахадон автоинспекцийы зæгъынц, скъолайы цур цы фистæгæй цæуджыты нысантæ уыди, уыдон уырдыгæй ист кæй цæудзысты, уый. Уыдоны бæсты дзы фистæгæй цæуджытæн æвæрд æрцæудзысты сæрмагонд бырутæ.
Ног ахуыры азы райдианмæ уыцы куыстытæ хъуамæ кæронмæ фæуой. Цæмæй сывæллæттæ дæр æмæ хистæртæ дæр уой æдас. Æмæ уый æрмæст Весеннийы уынджы нæ. Фæндаггон ног нысантæ фæзындзысты фылдæр адæм кæм æмбырд кæны, уыцы рæтты – скъолаты, рæвдауæндæтты æмæ медицинон куыстуæтты цур.