филиал вгтрк государственная телерадиовещательная компания “Алания”

Ирон кæфтытæ, зарджытæ, æмдзæвгæтæ, театралон инсценировкæтæ. Сывæллæтты лагерь «Нарты» хъомылгæнинæгтæ сæ ныййарджытæн бацæттæ кодтой чысыл равдыстытæ. Мадзал саразыны хъуыды æрцыди республикæйы ахуырады æмæ наукæйы министрады специалисттæм. 4-æм аз сывæллæттæ цæуынц этнокультурон – лингвистон лагерьмæ. Сæ фæллад дзы уадзынц 50 сывæллонæй фылдæр республикæйы æппæт районтæй. Се хсæн алы нациты минæвæрттæ – уырыссæгтæ, азербайджайнæгтæ, сомихæгтæ, гуырдзиæгтæ. Кæрæдзийы хсæн архайынц иронау дзурыныл. Лагеры программæ у ахадгæ æмæ цымыдисаг. Чызджытæ æмæ лæппутæн лекцитæ кæсынц культурæ æмæ æгъдæутты тыххæй. Ахуыр сæ кæнынц ирон кæфтытыл æмæ фæндырæй цæгъдыныл. Сывæллæттæ ныридæгæн экскурсийы уыдысты Ирыстоны 5 комы. Алкæцыдæр сын сæ зæрдæты сæвзæрын кодта æгæрон цымыдисдзинад æмæ сæрыстырдзинад. Ацы лагеры куысты фыццаг хæс у, ирон æвзаджы рæзт, æгъдæуттæ бахъахъхъæнын, æмæ сабиты нæ адæмы рагон культурæимæ базонгæ кæнын.