01 августа 2014, 14:06
Нæ республикæйæ Хъырыммæ сæ фæллад уадзынмæ ацыдысты сывæллæттæ æппæт районтæй дæр, стæй кафджыты ансамбль «Дзæуджыхъæуккаг Алантæ»
Ацы балцмæ сабитæ рагæй æнхъæлмæ кастысты. Уæрæсейы ног регионы сæ суазæг кодтой æхсызгонæй. Евпаторийы сын ис иттæг хорз уавæртæ Сау денджызы был сæ фæллад суадзынæн.
Ацы балцмæ сабитæ рагæй æнхъæлмæ кастысты. Уæрæсейы ног регионы сæ суазæг кодтой æхсызгонæй. Евпаторийы сын ис иттæг хорз уавæртæ Сау денджызы был сæ фæллад суадзынæн. Фыццаг уал зонгæ кæнын райдыдтой бынæттон культурæимæ, стæй дзы бæстæйы алы рæттæй цы туристтæ ис, уыдонимæ. Фысымтæ куыд нысан кæнынц, афтæмæй сывæллæттæн экскурситæ скæндзысты историон бынæттæм.
Кафджытæ репетицитæ кæнынц фæлладуадзæн рæстæджы дæр. Евпаторийы уыдзысты дыууæ къуырийæ чысыл фылдæр. Уыцы рæстæгмæ ансамбль ратдзæн цалдæр концерты, æмæ равдисдзæн ирон культурæ.
«Дзæуджыхъæуккаг Алантæ» фæзындысты цалдæр азы размæ, фæлæ ныридæгæн уарзон систы бирæтæн. Гастрольты вæййынц алы рæтты, æрæджы та уыдысты Болгарийы. Хъырымы туристтæ æвзонг кафджыты курдиатæй баззыдысты разыйæ. Ирыстонæй Сау денджызмæ ацыд сæдæ адæймаджы. Ацы фæлладуадзæн балц сын скодта Цæгат Ирыстоны фæллойы æмæ социалон рæзты министрад. Сывæллæтты денджызы былмæ арвитынц алы аз дæр.
темæмæ гæсгæ
