Сæ куысты тыххæй бæстон радзырдтой, агропромышленнон къабазы зынгæ бынат чи æрцахста æмæ дарддæр йæ райрæзтыл чи кусы, уыдон. Ахсджиагдæр лыггæнинаг фарстатæ баст сты,
Сæ куысты тыххæй бæстон радзырдтой, агропромышленнон къабазы зынгæ бынат чи æрцахста æмæ дарддæр йæ райрæзтыл чи кусы, уыдон. Ахсджиагдæр лыггæнинаг фарстатæ баст сты, кредит райсын зын кæй у, стæй кусджытæ кæй нæ фаг кæны, уый.
Ныртæккæйы уавæр домы, цæмæй Ирыстоны хъæууонхæдзарадон авналæнтæй æххæстæй пайдагонд æрцæуа, æмæ хи хойраджы бæрц фæфылдæр уа. Нæ республикæйы хоры куыстæй уæлдай, зайын кæнынц дыргътæ æмæ халсартæ, фос, маргъ æмæ кæсаг дарыны къабæзты дæр ис бæлвырд æнтыстдзинæдтæ. Куыд хуыздæрæй баиу кæнæн ис экономикон æмæ зонадон фæрæзтæ зæхкусджыты фæллойы, цæмæй фæлхасгæнджытæ æххæст уой хи продукцийæ, цавæр фарстаты хъæуы хицаудзинады фылдæр хъусдард – ууыл бæстон ныхас уыд республикæйы Сæргълæууæг Мамсыраты Таймуразы æмæ аграрон къабазы æнтыстджындæр кусджыты фембæлды. Сæ куысты нысанты тыххæй бæстонæй радзырдтой, ныридæгæн агропромышленнон къабазы зынгæ бынат чи æрцахста æмæ дарддæр райрæзтыл чи кусы, уыдон. Ахсджиагдæр лыггæнинаг фарстатæ баст сты, кредит райсын зын кæй у, стæй кусджытæ кæй нæ фаг кæны, уый.
Дзодзиаты Зойæ, гом акционерон æхсæнад «Брут»-ы Разамонæг: «Фыццаджыдæр, нæ куыст къуылымпы кæны, кусджытæ кæй нæй, уымæй. Хъæуы куыст зын у, кæсаджы куыст та ноджы зындæр, уымæн æмæ доны архайын хъæуы, хъахъхъæнын сæ хъæуы, хæринаг сын дæттын хъæуы. Нæй нæм кæсагдарджытæ, гидротехниктæ. Æмæ ахæм куыст чи агуры, уыдонмæ æнхъæлмæ кæсæм».
Мамсыраты Таймураз бадомдта, цæмæй бæстон хъусдард уа, зæххытæй куыд пайда кæнынц, уымæ. Хуымтæ чи райста, æмæ сыл чи нæ кусы, уыдонæн хъуамæ æнæмæнг æрцæуой ист.
Республикæйы Сæргълæууæг ма бафæдзæхста куыстуæтты разамонджытæн, цæмæй сæ продукци Уæрæсейы базонын кæной. Республикæйы хъæугæ фадæттæ конд цæуынц мыггаджы куыстады рæзтæн дæр.
Зассеты Роберт, РЦИ-Аланийы хъæууон хæдзарад æмæ хойраджы министр: «Хицауад нæм йе ‘ргом раздахдзæн. Нæхи хицауадæй нæ зæгъын, уыдонæй нæм æргомздæхт ис, фæлæ Уæрæсейы Хицауадæй зæгъын. Æмæ нæ уавæртæ фæхуыздæр уыдзысты. Нæ куыст дзидзайы дæр, халсарты дæр нæхи фаг нæ уыд. Хицауадæй нæм фылдæр æргом куы уа, уæду ал бацархайдзыстæм нæхи адæмы фаг бакусыныл, уый фæстæ та æддæмæ ласыны фаг дæр хъуамæ бакусæм».
Ныртæккæйы уавæры Уæрæсейы Хицауад домы, цæмæй хойраджы æргътæ ма сырæзой. Уый фæдыл республикæйы Сæргълæууæг бæлвырд хæстæ сæвæрдта бæрнон разамонджытæн.
Фæрниаты Мæдинæ
