филиал вгтрк государственная телерадиовещательная компания “Алания”

Уæрæсейы сбæрæг кодтой авиацийы бон.

Уый тыххæй Дзæуджыхъæуы авиацион клубы арæзт æрцыд стыр бæрæгбон.

Архайдтой дзы республикæйы фæлтæрдджын граждайнаг æмæ хæстон авиацийы пилоттæ. Ссыдысты йæм уазджытæ алы регионтæй æмæ республикæтæй. Авиацийы ветерантæ æмæ, кæй фæндыд, уыдон. Хæдтæхджыты æмæ планерты пилотты дæсныйад се ппæты дæр дисы бафтыдта. Уæлдайдæр та Цæруты Аслан. Арвы тыгъдады цы фигурæтæ равдыста, уыдон нымад сты бæрзонд дæсныйады æвдисæнтыл. Парашютисттæ та æвдистой сæ дæсныйад 1300 æмæ 100 метры бæрзæндæй гæпп кæнынæй.

Авиацион клубмæ æрбацыд тынг бирæ адæм æмæ иууылдæр баззадысты разыйæ. Фадат сын уыд хæдтæхджытыл атæхын, парашютимæ æргæпп кæнын.

Уæрæсейы авиацийыл 100 азæй фылдæр цæуы. Ис ын хъæздыг традицитæ æмæ æгъдæуттæ.

Ирыстоны дæр бирæтæ уарзынц æмæ сæ цард сбастой уæлдæфон æфсæдтимæ. 20 Советон Цæдисы хъæбатыры, 1 УФ-йы хъæйтар. Бирæты бон нæу ахæм хъуыддагæй раппæлын.

Къаболаты Солтан, РЦИ-Аланийы ветеранты республикон советы сæрдар: «Нæ ирон фæсивæд кæддæриддæр тырниыдтой уæларвмæ. Бирæ уæлдæфон афицертæ рацыд Ирыстонæй. æмæ мæ уырны дарддæр дæр ирыстойнаг минæвæрттæ кæй уыдзысты разæй».

Бедойты Руслан, РЦИ-Аланийы ветеранты республикон советы сæрдары хæдивæг: «Чидæриддæр уыди уыцы флоты, уыдонæн ацы бæрæгбон тынг зынаргъ æмæ вазыгджын у. Алчидæр æй йæхи бæрæгбоныл нымайы Ацы бон ардæм чи æрбацыд, уыдон дæр баззадысты разæй. Мæнæн мæ зæрдæ райы, рухс кæны ахæм фæсивæдмæ кæсгæйæ».