«Фæсивæд – фæсивæдæн». Уæрæсейы музыкалон уæлдæр ахуыргæнæндæтты ахуырдзауты æмæ рауагъдонты сфæлдыстадон изæр арæзт æрцыд адæмон инструментты национ паддзахадон
Архайдтой дзы 6 æрыгон музыканты. Се ппæт дæр сты Цæгат Ирыстонæй. Йæ саразыны хъуыды фæзынд Уæрæсейы адæмон артист Гæздæнты Булатмæ. Музыкалон изæры программæйы ис фæсарæйнаг æмæ ирон композиторты уацмыстæ. Концерты уыдысты зындгонд музыканттæ, сфæлдыстадон интеллигенцийы минæвæрттæ. Сфæлдыстадон изæры арæзт æрцыд æрыгон нывгæнæг Бæцойты Каринæйы куыстытæ равдыст дæр.
Гæздæнты Булат, Уæрæсейы адæмон артист: «Æртæккæйы программæйы ирон уацмыстæ бирæ нæй, æмæ ацы фæсивæдимæ баныхас кодтон афтæ – цæмæй куы ацæуой, æмæ та иннæ каникулты куы æрбацæуой, уæд ирон уацмыстæ дæрæрбахæссой семæ. Уый мæ фæнды, уымæн æмæ нæхæдæг куы нæ кусæм нæ аивадыл, уæд нын ыл ничи бакусдзæн».
Гаматы Хетæг, Рахманиновы номыл Ростовы консерваторийы студент: «Ацы концерты кусын мæнæн у стыр кад æмæ махæн не `ппæтæн дæр. Ме `мбæлттæн, музыкалон консерваториты чи ахуыр кæны. Æмæ нын тынг æхсызгон у».
