8 азы йæм йæ фæллад суадзынмæ æмæ æрдзы рæсугъддзинæдтимæ базонгæ кæнынмæ цæуынц адæм æрмæст республикæйы районтæй нæ, фæлæ ма Уæрæсейы алы регионтæй дæр. Азæй-азмæ
Хæххон суадæтты хи цынайын, сыгъдæг уæлдæфæй баулæфын – ацы алæмæты бынаты алцыдæр у æвдадзы хос. Куырттаты комы бирæ архитектурон æмæ историон цыртдзæвæнтæ кæй ис, уымæ гæсгæ экскурситæ вæййынц цымыдисаг æмæ æхсызгон. Æрбацæуджытæ хуыздæр базонгæ вæййынц Ирыстоны царды уаг æмæ культурæимæ, æвзаг, фольклор, аивад æмæ дзыхæй дзургæ сфæлдыстадимæ.
Зонгæ сæ кæнынц Ирыстоны кувæн бæнæттимæ дæр.
Лагеры чи ис, уыдонæн кæнынц æнæниздзинад фидардæргæнæн мадзæлттæ. Æнæмæнг домæнтæ дзы сты райсомæй кæнын гимнастикæ æмæ цалдæр сахаты фистæгæй цæуын. Лагеры специалисты ныхæстæм гæсгæ цалдæр бонмæ æрбацæуджыты æнæниздзинад дзæвгар фæхуыздæр вæййы.
Йæ фæллад чи уадзы, уыдоны ныхæстæм гæсгæ ам свæййынц иу бинонты хуызæн. Кæимæ базонгæ вæййынц, уыдонимæ бастдзинад хæссынц азты сæрты. Æмæ арæх ардæм æрцæуынц ногæй иууылдæр иумæ.
