21 августа 2014, 17:35
Дзæуджыхъæуы Чиныгкæсджытæ æнхъæлмæ кæсынц ног литературæмæ, фæлæ сын ахæм фадат нæй. Библиотекæты фондтæ смæгуыр сты
Æппæт ног чингуытæ æлхæнын та сæ бон нæу. Сæ зæрдæ дарынц æрмæстдæр Дзæуджыхъæуы администрацийы, амалхъом адæмы æмæ хицæн адæймæгты æххуысыл.
Æппæт ног чингуытæ æлхæнын та сæ бон нæу. Сæ зæрдæ дарынц æрмæстдæр Дзæуджыхъæуы администрацийы, амалхъом адæмы æмæ хицæн адæймæгты æххуысыл. Горæты администрацийы куыд æмбарын кæнынц, афтæмæй рауагъдадты фылдæр хай сты коммерцион. Æмæ чингуытæ уадзынц куыд æмæ сæ кæд фæнды, афтæ. Администрацийы бюджеты та уый бæрц фæрæзтæ нæй æмæ сæ библиотекæтæ хъæздыгдæр кæной. Фæлæ алы аз дæр аразынц сæрмагонд акцитæ – алкæй бон дæр вæййы библиотекæйæн балæвар кæнын чингуытæ. Афтæмæй цыбыр рæстæгмæ чингуыты фонд фæхъæздыгдæр 2000 экземпляры. Уæдæ библиотекæты бæстыхæйттæ цалцæггонд кæй цæуынц, ног нырыккон техникæйæ сæ кæй ифтонг кæнынц, бирæтæ сæ автоматизацигонд кæй систы, уый дæр сæ куыстыл хуыздæрырдæм фæзыны. Бахъуазы рæстæг æрбацæуджытæн радтынц планшеттæ, цæмæ сæ бон уа чиныг электрон хуызы бакæсын. Адæмы пайдайæн æмæ æнцойдзинадæн ма библиотекæты бакæсæн ис газеттæ æмæ журналтæ дæр.
темæмæ гæсгæ