22 августа 2014, 18:25
Хетæгкаты Къостайы номыл парчы арæзт æрцыд музыкалон флеш-моб
Республикæйы фæсивæдон организациты активисттæ зарæггæнæг Хъæбæлоты Русланимæ А-капеллæ азарыдысты бæстæйы гимн.
Республикæйы фæсивæдон организациты активисттæ зарæггæнæг Хъæбæлоты Русланимæ А-капеллæ азарыдысты бæстæйы гимн. Акци бацæттæ кодтой Уæрæсейы Федерацийы паддзахадон тырысайы бонмæ. 70 адæймаджы сырх, цъæх æмæ урс шартимæ æртæ рæнхъы слæууыдысты, куыд Уæрæсейы тырыса, афтæ. Флеш-моб арæзт æрцыд республикæйы фæсивæды хъуыддæгты, физкультурæ æмæ спорты министрады хъæппæрисæй. Ахæм акцитæ уыд Цæгат Кавказы федералон зылды субъектты дæр.
Хъæбæлоты Руслан, зарæггæнæг: «Æрбадзырдтой мæм лæппутæ, иумæ уыдыстæм «Машук»-ы. Загътой, кæй сæ фæнды, цæмæй иумæ азарæм Уæрæсейы гимн. Æз ын йæ ныхæстæ зонын, йæ музыкæ. Æрбацыдтæн, æмæ иумæ азарыдыстæм уыцы стыр гимн. Мæн фæнды, цæмæй фылдæр ахæм флеш-мобтæ куыд кæной министрадтæ, хуымæтæг адæм. Цæмæй патриотон куыст кæной сæ зæрдæйæ, уыцы хъуыддаг Хуыцау саккаг кæнæд».
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)
темæмæ гæсгæ