филиал вгтрк государственная телерадиовещательная компания “Алания”

Ахæм уынаффæ рахаста Федерацийы Советы Украинæйы Хуссар-Скæсæйнаг цæрджытæн æххуыс кæныны æхсæнадон комитет.

Радон æмбырды Тотоонты Алыксандр йæ *ргом аздæхта къорд лыггæнинаг фарстатæм. Зæгъæм нæ фаг кæны сæрмагонд бланоктæ, цæмæй хыгъд цæуой, æнæбары йæ цæрæнбынат чи ныууагъта, æмæ æндæр ран чи æрцард, уыцы лыгъд адæм. Æмæ комитетæн бабар кодта, цæмæй фæсидой Федералон миграцион службæмæ ацы фарста алыг кæнынмæ. Ноджы ма фæнысан кодта, арæх алы бюрократон фæзилæнтæ кæй хъыгдарынц лыгъд адæмы социалон фарстаты. Зæгъæм рæстæгмæйы цæрæнуат райсгæйæ адæймаг хъуамæ йæ паспорт афæдзмæ ныууадза миграцион службæйы æмæ йын дзы хъуамæ сæвæрой штамп. Сенаторы хъуыдымæ гæсгæ ахæм фæтк адæймагмæ гуырын кæны æнæууæнкдзинад. Куысты ныллæуыны фарстатыл дзургæйæ дæр Комитеты уæнгтæ æркастысты хъалонтæ фидыны хъуыддагмæ. Æнæбары ралидзджытæ фæсарæйнаг граждæнтыл нымад кæй сты, уымæ гæсгæ уæлмхасæн æфтиæгты хъалон 13% нæ фидынц, фæлæ 30%. Æмæ уыцы фарста дæр у ахъуыдыйаг, загъта Тотоонты Алыксандр.