филиал вгтрк государственная телерадиовещательная компания “Алания”

Абон йе 70 азы юбилей бæрæг кæны поэт æмæ драматург, Хетæгкаты Къостайы премийы лауреат Кокайты Тотрадз. Райгуырд Тырсыгомы. 1952-æм азы йæ бинонтæ ралыгъдысты Цæгат Ирыстонмæ. Скъола каст куы фæци, уæд ахуыр кæнынмæ бацыд Цæгат Ирыстоны педагогон училищæйы аивадон-графикон хайадмæ. Уым активонæй архайын райдыдта литературон къорды, æмæ бауарзта аив дзырд. Уæд мыхуыры цæуын райдыдтой йæ фыццаг æмдзæвгæтæ. Училищæ каст фæуыны фæстæ Тотрадз ахуыргæнæнгæй кусын райдыдта Хъобаны скъолайы. 1969-æм азы та бацыд Горькийы номыл литературон институтмæ. Фæстæдæр сси телестудийы редактор, рауагъдад «Ир»-ы редактор, журнал «Мах дуджы» бæрнон секретарь, уый фæстæ та чиныгуадзæны сæйраг редактор. Кокайты Тотрадзы æмдзæвгæты æмбырдгæндтæ: «Гурæнбон», «Нывæтфтыд фæндæгтæ», «Æрвон райсомтæ» æмæ иннæтæ адæмæн систы уарзон. Бирæтыл дзы композитортæ ныффыстой рæсугъд зарджытæ. Кокайты Тотрадз йæ уацмысты æвдисы йе `мдугонты æнкъарæнтæ æмæ хъуыдытæ.