филиал вгтрк государственная телерадиовещательная компания “Алания”

2013-2014 ахуыры азы кæронбæттæн иумæйаг паддзахадон фæлварæнты бæрæггæнæнтæ бынтон хорз кæй нæ уыдысты, уымæ гæсгæ бирæ рауагъдонтæ баззадысты æнæ аттестаттæй. Сæ бон нæ баци уæлдæр скъолатæм æмæ астæуккаг ахуыргæнæндæттæм бацæуын.

Фæлæ ныр уавæр аивта… Ног закъонмæ гæсгæ, иумæйаг паддзахадон фæлварæн чи нæ радта, уыцы рауагъдонтæн бар ис 1-æм октябрмæ сæ гæххæттытæ профессионалон училищæтæм раттын æмæ сахуыр кæнын кусæг дæсныйæдтыл.

Ног закъонмæ гæсгæ иумæйаг паддзахадон фæлварæн чи нæ радта, уыцы рауагъдонтæн бар ис 1-æм октябрмæ сæ гæххæттытæ профессионалон училищæтæм раттын.

Ахуыр кæндзысты кусæг дæсныйæдтыл. Колледжты æмæ техникумты ахуыр кæндзысты ахуыргæнæнæдоны программæмæ гæсгæ. Кæронбæттæны та дæтдзысты паддзахадон фæлварæн дæр, аттестаци дæр. Æнæ аттестатæй чи баззад, уыцы фæсивæд разæнгардæй цæуынц астуккаг ахуыргæнæндæттæм.

Дæнцæгæн, зæгъæм, Дзæуджыхъæуы 5-æм училищæйы 1-æм курсмæ 180 адæймаджы бæсты ахуырмæ райстой 250-ы.

Цæгат Ирыстоны ахуыргæнæндæттæм, уæлдайдæр та 5-æм училищæмæ, фæсивæд ссæуынц республикæйы районтæй. Бирæ студенттæ райстой сыхаг регионтæй: Дагестанæй, Хуссар Ирыстонæй, Минводæй, Стъараполы крайæ, Пятигорскæй. Училищæйы ис хъæздыг материалон-техникон базæ, хорз æрмадзтæ, фæлтæрдджын специалисттæ… Дардæй чи цæуы, уыдонæн дæттынц бынат æмдзæрæны.

Уымæй уæлдай ма училищæйы аразынц æппæт фадæттæ, цæмæй студенттæ архайой спортæй æмæ цæуой алыхуызон сфæлдыстадон къордтæм.

Уый та фадат дæтты æмбæлгæ зонындзинæдтæ райсынæн æмæ хорз специалист суæвынмæ.

Зæгъын хъæуы уый дæр æмæ 11 къласы фæстæ чи æрбацыд, уыдон астæуккаг ахуыргæнæндæтты ахуыр кæндзысты афæдз. 9 къласы каст чи фæци, уыдон та 2 азы æмæ рдæг.