филиал вгтрк государственная телерадиовещательная компания “Алания”

Архайы дзы 100 æфсæддонæй фылдæр. Сты 4-æм æфсæддон базæйы службæгæнджытæ.

Ахуырты домæнтæм гæсгæ хъуамæ сахуыр кæной æмæ базонгæ уой хæцæнгæрзты ног хуызтимæ, райсой теоретикон æмæ практикон зонындзинæдтæ. Куыд ахуыр кæнынц, уымæ та сæ хъус дарынц афицертæ æмæ фæлтæрдджын инструктортæ.

Ахуыртæ ацы хатт сарæзтой афтæ, цæмæй хæстон уавæртæм уой тынг хæстæг.

Командыгæнæг Валентин Комаровы ныхæстæм гæсгæ фистæгæфсæдты ахуыртæй рæстдзæвинты ахуыртæ тынг хицæн кæнынц. Дæнцæгæн ис фæлварæн, æхсæг хъуамæ автоматæй мысанмæ бахауа 400 метрæй. Уыимæ æнæ оптикæйæ. Уымæ гæсгæ алы рæстдзæвин дæр хъуамæ хынца дымгæ дæр, уæлдæфы уымæлад дæр.

Иннæ ахсджиаг хъуыддаг та у æфсæддонты сæхи æмбæхсыныл сахуыр кæнын. Хъуамæ æнæ зынгæйæ бахиза иу ранней иннæ ранмæ. Уым сын æххуыс у костюм «Леший». Афтæ ахуырст у æмæ дзы æфсæддон æрдзон уавæрты бæрæг нæ вæййы, нæ дзы фæхицæн кæны. Уый та рæстдзæвины дæсныйады у сæйрагдæр, уымæн æмæ сæ суткæгай бахъæуы æрдзы уæвын æмæ сæхи æмбæхсын.

Инструкторты ныхæстæм гæсгæ æфсæддонтæ сæ размæвæрд хæстæ хорз æххæст кæнынц. Ахуырты домæнтæ кæй сæххæст кæндзысты, ууыл сæ зæрдæ дарынц.