филиал вгтрк государственная телерадиовещательная компания “Алания”

Уæрæсейы знон уыд хъæлæс кæныны иумæйаг бон. Равзарын хъуыди æртын регионы сæргълæууæджы. Нæ бæстæйы цыппæрдæс субъекты регионалон парламенттæм равзарын хъуыди 680 депутаты. Æдæппæтæй та арæзт æрцыд фондз мины æмæ рдæг æвзарæн кампанийæ фылдæр. Цæгат Ирыстоны хъæлæс кæныны иумæйаг боны адæм æвзæрстой Дзæуджыхъæуы муниципалон сконды минæвæртты, стæй республикæйы Парламентмæ уæлæмхасæн дыууæ депутаты. Цыколайы æвзæрстой хъæуы хицауы, Лескены æмæ Мæздæджы районы хъæу Новоосетинскæйы та равзарын хъуыди бынæттон хиуынаффæйады оргæнтæм минæвæртты. Фæстаг бæрæггæнæнтæм гæсгæ участоктæм æрбацыд 47 % «Иумæйаг Уæрæсе»-йæн сæ хъæлæстæ радтой 60 % фылдæр, Коммунистон партийæн – 5,5 %, «Уæрæсейы патриоттæн» – 22 %, «Рæстдзæвин Уæрæсе»-йæн 5,4 %, æмæ Уæрæсейы либералон-демократон партийæн 1,1 %. Уымæй дарддæр «Уæрæсейы коммунисттæм» 0,6% «Альянс зеленых æмæ Социал-демократтæн» 0,2%. Иу дæсæм хайы % ис «ЯБЛОКО» æмæ «Уæрæсейы сылгоймæгты Адæмон парти»-мæ. Æвзæрстыты рæстæг æдасдзинад хъахъхъæдтой мидхъуыддæгты министрады 900 кусæгæй фылдæр. Дзæуджыхъæуы муниципалон скондмæ депутатты æвзæрстой 9 партийæ. Политикон партиты регионалон хайæдтæй регистрацигонд æрцыд 131 адæймаг. Иумандатон зылдтæй, политикон партитæй ис 82 кандидаты, 9 адæймаджы та сæхæдæг балæвæрдтой сæ курдиæттæ.