филиал вгтрк государственная телерадиовещательная компания “Алания”

Уазæлтты ралæудимæ фæфылдæр вæййынц гриппæй рынчынтæ. Уымæ гæсгæ ахсджиаг у вакцинаци кæныны хъуыддаг. Дзæуджыхъæуы сывæллæтты æртыккæгæм поликлиникæйы гриппы æмæ ОРВИйы ныхмæ вакцинæтæ куыддæр фæзындысты, афтæ сæм æрбацыдысты фыццаг пациенттæ. Сывæллæттæн ацы хъуыддаг у тынг ахсджиаг. Афтæмæй фидардæр кæны сæ иммунитет. Прививкæтæ кæнæн ис, сабийыл æхсæз мæйы куы сæххæст уа, уæдæй фæстæмæ. Поликлиникæтæй уæлдай прививкæтæ фæкæнынц рæвдауæнæтты æмæ скъолаты дæр. Æппæтæй тæссагдæр у ацæргæ адæмæн. Æхсай азы фæстæ иммунитет зынгæ фæлæмæгъдæр вæййы. Гриппы ныхмæ вакцинæ скæнгæйæ та сын къаддæр тæссаг вæййы. Вакцинаци кæнынæн æппæтæй хуыздæр рæстæг у сентябрь æмæ октябрь, зæгъынц специалисттæ. Прививкæтæ скæнынмæ сидынц Уæрæсейы фæлхасгæнджыты бартæм цæстдарды кусджытæ. Кæд искæмæн йæ поликлиникæмæ бацæуыны фадат нæй, уæд сæрмагонд бригад æрбахонæн уыдзæн куыстуатмæ дæр.