филиал вгтрк государственная телерадиовещательная компания “Алания”

Сфæлдыстадон бастдзинæдтæ. Цæгат Ирыстонмæ ссыдысты фысджытæ Хъырымæй æмæ сыхаг республикæтæй. Цæгатирыстойнаг интеллигенцийы минæвæрттимæ дидинджытæ сæвæрдтой ирон литературæйы бындурæвæрæг Хетæгкаты Къостайы цыртдзæвæныл. Театралон фæзы бакастысты æмдзæвгæтæ ирон æмæ уырыссаг æвзæгтыл.

Уый фæстæ Цæгат Ирыстоны гуманитарон æмæ социалогон иртæстыты институты байгом Цæгат Кавказы æмæ Хъырымы фысджыты конференци. Къостайы юбилейы агъоммæ æрныхас кодтой традицион культурæйыл, йæ рæзт æмæ йæ бахъахъхъæныны фарстатыл. Уымæй дарддæр конференцийы нысан у Уæрæсейы регионтимæ хуыздæр базонгæ уæвын, æмæ сæ кæрæдзимæ æрбангомдæр кæнын. Форум цæудзæн 3 боны. Уыдзысты ма фæсивæдимæ фембæлдтытæ дæр. Конференцийæн республикæйы Сæргълæууæджы номæй раарфæ кодта хицауады сæрдары хæдивæг Челæхсаты Рустем.