24 сентября 2014, 17:16
Хъармгæнæн сезонмæ бирæ рæстæг нал баззад æмæ йæм бирæуæладзыгон хæдзæрттæ сæхи цæттæ кæнынц
Растдæр зæгъгæйæ та, разамынддæттæг компанитæ æмæ цæрджыты æмбалæдтæ. Бæрæггонд цæуы хæтæлты уавæр æмæ цæттæдзинад, кæнынц цалцæггæнæн куыстытæ. Уыимæ хъуамæ бацæттæ кæной æмбæлгæ гæххæттытæ. Сæрмагондæй та алы хæдзарæн дæр хъуамæ уа цæттæдзинады паспорт.
Растдæр зæгъгæйæ та, разамынддæттæг компанитæ æмæ цæрджыты æмбалæдтæ. Бæрæггонд цæуы хæтæлты уавæр æмæ цæттæдзинад, кæнынц цалцæггæнæн куыстытæ. Уыимæ хъуамæ бацæттæ кæной æмбæлгæ гæххæттытæ. Сæрмагондæй та алы хæдзарæн дæр хъуамæ уа цæттæдзинады паспорт. Фæткмæ гæсгæ, хæдзарæн разамынддæттæг компанийы уæнгтæ хæдзары хъуамæ аиуварс кæной æппæт аиппытæ. Уый фæстæ хæдзары уавæр æмæ зымæгмæ цæттæдзинад хъуамæ сбæрæг кæной хъармдæттæг æмæ цæрæн хæдзæртты инспекци. Кæд алцыдæр æмбæлгæ хуызы конд æрцыд, уæд цæрæн хæдзæртты æмбалæдты Ассоциацийы хъуамæ райсой цæттæдзинады паспорт. Æрмæстдæр уый фæстæ хъармдæттæг куыстуат хъарм дæтты хæдзæрттæм. Цæттæдзинады паспорт кæмæн нæ уа, уыцы хæдзæрттæн дзуаппдæттæг организаци иваргонд цæудзæн 30 000 сомы онг. Хъыгагæн, Дзæуджыхъæуы æппæт хæдзæрттæ уыцы домæн нæма сæххæст кодтой.
темæмæ гæсгæ
