Йæ нысан у фæсивæды кæрæдзимæ æрбангомдæр кæнын.
Киситы Мананæ æрыгон наукон кусджыты æмæ специалистты лагеры фыццаг хатт ис. Медицинон академийы студенткæмæ куыд æм кæсы, афтæмæй йыл æнæфæзынгæ нæ фæуыдзæн.
Киситы Мананæ æрыгон наукон кусджыты æмæ специалистты лагеры фыццаг хатт ис. Медицинон академийы студенткæмæ куыд æм кæсы, афтæмæй йыл æнæфæзынгæ нæ фæуыдзæн.
Йемæ разы у æрыгон ахуыргонд Дмитрий Мельников дæр. Кæд дыккаг хатт ис ам, уæддæр æм, раздæрау, кæсы цымыдисаг. Уæлдайдæр та йæ бон æппæт уæлдæр скъолаты минæвæрттимæ фембæлын кæй у, уымæй. Иртасæн куыст алыхуызон къабæзты кæй кæнынц, уый та сæм иннæ наукæтæм дæр гуырын кæны цымыдисдзинад.
Наукон кусджыты æмæ специалистты лагерь Цæгат Ирыстоны сæргълæууæджы цур æрыгон ахуыргæндты советы, республикæйы фæсивæды хъуыддæгты, физкультурæ æмæ спорты министрады хъæппæрисæй æмæ æххуысæй байгом 2-аг хатт. Ацы аз æм хуынд æрцыдысты 30 адæймаджы. Иууылдæр сты республикæйы уæлдæр скъолаты минæвæрттæ. Лагеры сæйраг нысан та у – фæсивæды æрбангомдæр кæнын.
Козырты Сослан, РЦИ-Аланийы сæргълæууæджы цур æрыгон ахуыргæндты советы сæрдар: «Нæ сæйраг хæс у фæсивæдимæ кусын, æрбангомдæр сæ кæнын. Цæмæй æрмæст конференциты æмæ алыхуызон ахуырты рæстæг ма уыной кæрæдзийы, фæлæ ма ам дæр. Ам куы фæлымæн уой, уæд та дарддæр дæр хæсдзысты сæ лымæндзинад».
Фæрниаты Руслан, магистрант: «Æз дзы фыццаг хатт дæн æмæ мæм куыд кæсы, афтæмæй куыст афтæ æрæзт у цæмæй зонадон куыст дæр кæнæм, кæрæдзиимæ дæр зонгæ кæнæм, иннæты дæр уынæм. Уый та хорз хъуыддаг у».
Лагерь кусдзæн 3 боны. Йæ архайджытæн арæзт цæудзысты алыхуызон экускурситæ, дæсныйад æмæ фæлтæрддзинад æвдисæг ахуыртæ, зонындзинæдтæ фылдæргæнæн мадзæлттæ, культурон æмæ спортивон мадзæлттæ. Кæронбæттæны се ппæтæн дæр лæвæрд æрцæудзысты лагеры архайджыты сертификаттæ. Ахæм лагерьтæ та фæнд кæнынц æрвылазон скæнын.
