филиал вгтрк государственная телерадиовещательная компания “Алания”

Тренерты хъуыдымæ гæсгæ æгæр бирæ сты, фæлæ сæ искæй арвитын сæ зæрдæ нæ комы. Сæ сывæллæтты спортивон скъоламæ æрбакæнын ныртæккæ бирæты фæнды. Чи зоны, уый баст у, Бразилийы футболæй дунеон чемпионат кæй уыд, уыимæ. Сывæллæтты спортивон скъолайы æрæджы райдыдтой бындурон цалцæггæнæн куыстытæ.

Чысыл Тамерланæн уый стыр цау у. Йæ сæйрагдæр бæллиц сæххæст. Райстой йæ футболы секцимæ. Цæгат Ирыстоны сывæллæтты республикон скъола «Æвзонгдзинад»-ы ныртæккæ тренировкæтæ кæнынц аст сæдæ фæндзай лæппуйы. Тренерты хъуыдымæ гæсгæ уый æгæр бирæ у, фæлæ сæ искæй арвитын сæ зæрдæ нæ хъæцы.

Сæ сывæллæтты спортивон скъоламæ æрбакæнын ныртæккæ бирæты фæнды. Раздæр афтæ нæ уыд. Чи зоны æмæ уый баст у, æрæджы Бразилийы футболæй дунеон чемпионат арæзт кæй æрцыд, уыимæ. Куыд зонæм, афтæмæй ахæм егъау турниртæ рæзгæ фæлтæрмæ гуырын кæнынц цымыдисдзинад. «Æвзонгдзинад»-ы та ныртæккæ цалцæджы фæстæ фæзынд фылдæр уавæртæ æмæ гæнæнтæ.

Ацы къорд та у æппæтæй кæстæр. Æхсæз æмæ авд аздзыд лæппутæ тренировкæтæ кæнынц æртæ къуырийы бæрц. Тренертæ та сын кæсынц сæ арæхстдзинадмæ. Æмæ сæ хъæудзæн хуыздрты равзарын. Æвзонг футболисттæн, сæ фарс чи рахæца, ахæм адæм ныридæгæн дæр фæзынд. Зæгъæм Мулдарты Сергейы нана тренировкæтæм сæрмагондæй ссæуы Змейкæйæ. Æмæ канд уый нæ. Ам фенын вæййы æнæхъæн биннонты дæр.

Ацы спортивон скъолайы куыд зæгъынц, афтæмæй сæ сæйрагдæр хæстæй иуыл нымайынц канд футболистты фæлтæрддзинадыл кусын нæ, фæлæ ма фылдæр лæппутæн тренировкæтæ кæныны фадат раттын. Афтæмæй фылдæр фæсивæд архайдзæн спорты рæзтыл, стæй æмхиц кæндзæн æнæниз цардыуагмæ.