филиал вгтрк государственная телерадиовещательная компания “Алания”

Парахат зæрдæйы хицау алы хъуыддаг дæр рæдаузæрдæйæ кæны. Афтæ зæгъæн ис Гасынты Жоржæй дæр. Рæстæг ссары ныв кæнынæн дæр, публицистикæйæн дæр, фæсивæды хъомыладæн дæр. Æдзух кусы йæ зонындзинæдтæ фæфылдæр кæныныл. Архайы йæ адæмы культурæ хуыздæр базоныныл. Цы базоны, уый та, æнæмæнг, зыны йæ куыстыты.

Нывгæнæг йæ 70 азы юбилеймæ бацæттæ кодта йæ куыстыты равдыст. «Скифты таурæгъ», «Хетæгкаты Къоста», «Ирон кафт», «Алайнаг аргъуан», «Задалескы Нана». Ацы нывтæ дисы æфтауынц алкæй дæр.

Йæ 70 азы юбилеймæ Гасынты Жорж бацæттæ кодта хи куыстыты равдыст. Конд сты нывкæнынады æмæ графикæйы хуызты. Сæ фылдæр та сты портреттæ.

Нывгæнæнджы куыстытæ равæрдтой 4 залы. Ирдæй дзы æвдисы райгуырæн бæстæйы ивгъуыды æмæ нырыккон истори, йæ æрдзы рæсугъддзинад, Ирыстон сæрбæрзонд кæмæй у, уыцы адæмы портреттæ.

Равдыстмæ ссыдысты Жорзы аивадæн аргъгæнджытæ, йæ бирæ æмбæлттæ, æмкусджытæ. Уæлдай æхсызгон уазджытæ та йын уыдысты Ольгинскæйы скъолайы ахуырдзауты фенын. Бирæ азты сæ Гасынты Жорж ахуыр кæны канд ирон адæмон национ кæфтытыл нæ, фæлæ ма сын у ирон æгъдæуттæ æмæ традицитæ амонæг. Ахæм адæймæгты руаджы та фæсивæд рæзынц æмæ кæнынц æгъдауджындæр.

Специалистты иумæйаг хъуыдымæ гæсгæ Гасынты Жорж у уыцы нывгæнджыты къордæй, ахорæнтæй уæндонæй чи пайда кæны æмæ йæ адæмы национ традицитæ ирдæй чи *вдисы. «Скифты таурæгъ», «Хетæгкаты Къоста», «Ирон кафт», «Алайнаг аргъуан», «Задалескы Нана» – æппæт ацы нывтæ дисы æфтауынц се ппæты дæр. Фæлæ уæддæр се ппæт куыстыты хсæн хицæн бынат ахсы Беслæйнаг цауты тыххæй конд ныв.

Парахат зæрдæйы хицау алы хъуыддаг дæр рæдаузæрдæйæ кæны. Афтæ Гасынты Жорж дæр. Алкæддæр ссары рæстæг ныв кæнынæн дæр, публицистикæйæн дæр, фæсивæды хъомыладæн дæр. Æдзух кусы йæ зонындзинæдтæ фæарфдæр кæныныл. Архайы йæ адæмы культурæ хуыздæр базоныныл. Цы базоны, уый та, æнæмæнг, зыны йæ куыстыты.