30 сентября 2014, 17:27
Зындгонд тренер Уырыймæгты Владимир йæ фæлтæрддзинадимæ зонгæ кæны æвзонг богæлтты
Кæстæр фæлтæртæн – цæстуынгæ дæнцæг. Зындгонд тренер Уырыймæгты Владимир æмæ йæ хъомылгæнинаг Олимпаг хъæзтыты чемпион Бæройты Хасан сæ фæлтæрддзинадимæ æмæ грекъаг-римаг хъæбысхæсты сусæгдзинæдтимæ зонгæ кæнынц æвзонг богæлтты. Ахæм спортсментæм кæсгæйæ, лæппутæ дæр тырнынц фылдæр базонынмæ, сæхи хорз равдисынмæ. Разæнгардæй æмæ æнæзивæгæй кæнынц, цы фæлварæнтæ сын дæттынц, уыдон.
Кæстæр фæлтæртæн – цæстуынгæ дæнцæг. Зындгонд тренер Уырыймæгты Владимир æмæ йæ хъомылгæнинаг Олимпаг хъæзтыты чемпион Бæройты Хасан сæ фæлтæрддзинадимæ æмæ грекъаг-римаг хъæбысхæсты сусæгдзинæдтимæ зонгæ кæнынц æвзонг богæлтты. Ахæм спортсментæм кæсгæйæ, лæппутæ дæр тырнынц фылдæр базонынмæ, сæхи хорз равдисынмæ. Разæнгардæй æмæ æнæзивæгæй кæнынц, цы фæлварæнтæ сын дæттынц, уыдон.
Кæддæр Бæройты Хасан ацы лæппуты хуызæн цыд хуымæтæг залмæ, кодта тренировкæтæ, тырныдта Олимпаг бæрзæндтæм. «Цæмæй къухы бафтой, уый тыххæй та хъæуы бирæ фыдæбон, хиуыл кусын æмæ тырнын равзæрст бæрзæндæм» – афтæ сын бафæдзæхста æрыгон министр.
Æхсызгон уый у æмæ Уырыймæгты Владимир ногæй кусын райдыдта сывæллæттимæ. Иу цасдæр рæстæг куыста æрмæстдæр спорты мастертимæ. Йæ хъомылгæнинæгтæ сты Олимпаг чемпионтæ Бæройты Хасан æмæ Хуыгаты Алан, стæй Олимпаг хъæзтыты æвзист призер – Тотраты Рустам.
Ныр ногæй райдыдта фидæны чемпионты цæттæ кæнын.
темæмæ гæсгæ
