Ахуыргæнджытæ æмæ студенттæ сæ юбилей сбæрæг кодтой ирон академион театры. Нæ республикæйы рагондæр уæлдæр скъолатæй иу 90 азмæ каст фесты нудæс мин адæймаджы. Ныртæккæ та институты ахуыр кæны дыууæ мины дыууæ сæдæ студенты.
Цæгат Ирыстоны паддзахадон педагогон институтыл сæххæст 90 азы. Ахуыргæнджытæ æмæ студенттæ сæ юбилей сбæрæг кодтой ирон академион театры. Нæ республикæйы рагондæр уæлдæр скъолатæй иу 90 азмæ каст фесты нудæс мин адæймаджы. Ныртæккæ та институты ахуыр кæны дыууæ мины дыууæ сæдæ студенты. Цы дыууæ сæдæ ахуыргæнæджы дзы кусы, уыдонæй æртын каст фесты ацы уæлдæр скъола. Цæгат Ирыстоны педагогон институт у иунæг, наукон цæттæдзинады факультет кæм кусы, æмæ сывæллæттæн сæрмагонд скъола «Диалог» кæм и, ахæм. Дыууæ мины дыууадæсæм азы ацы институт хаст æрцыд Уæрæсейы сæдæ хуыздæр уæлдæр скъолаты номхыгъдмæ. 90 азмæ дзы бирæ ивддзинæдтæ æрцыд. Раздæр уыд профессионалон училищæ, уыйфæстæ сси колледж. Дыууæ мины фыццæгæм азы та райста педагогон институты статус. Юбилейы фæдыл институты кусджытæн раарфæ кодтой Цæгат Ирыстоны сæргълæууæджы номæй, æмæ сын радтой грамотæтæ.
Зæойты Нелля, ЦИППИы англисаг филологийы кафедрæйы хистæр ахуыргæнæг: «Æз ам кусын 19 азы. Нæ коллектив у тынг æнгом, кæрæдзийы фарсмæ вæййæм цины хъуыддаджы дæр, æмæ зианы рæстæг дæр. Уый нæ хорз разамонæджы фæрцы».
Дзуццаты Хасан, социалогон наукæты доктор, профессор: «Ацы институты директоры æз хорз зонын. Æмæ йын зæгъын стыр бузныг, 90 азы дæргъы ахæм ахæдгæ куыст кæй кæнынц, уый тыххæй».
Кокайты Хатунæ, аспирант: «Мæнæ ныр сæрды сдæн аспирант. Ацы институты фæрцы нын фадат ис уæлдæр ахуырад исынæн. Цы ма уа уымæй хуыздæр».
