филиал вгтрк государственная телерадиовещательная компания “Алания”

«Республикæйы банчы системæ нал кусы. Уыцы бынат амалхъом адæмæй ничи бацахсдзæн». Уый тыххæй абон йæ пресс-конференцийы фехъусын кодта туризмы, амалхъомдзинады æмæ инвестицион политикæйы министр Диамбекты Алан. Абон уый байгом кодта хицауадимæ ныхасы проекты ног сезон.

Министр рахæцыд Центрон банчы политикæйы фарс, ома бынæттон банкты нымæц фæкъаддæр кæнын. Уый стратегион æгъдауæй раст у. Фæлæ дотацион регионтæн хъæуы æндæр куысты хуыз æрхъуыды кæнын. Уымæн æмæ чысыл бизнесæн егъау банчы системæйы уавæрты зын архайын у. Диамбекты Алан ма радзырдта, банкты æвæрд æхцатæ фæдзæхсыны Агентады куысты тыххæй дæр. Ныридæгæн сæ бон баныхас кæнын нæу, Регионты рæзты банчы æмæ Диг-банчы æхца кæмæн уыд, уыцы адæмимæ. Стыр æргом ма аздæхтой гранттæ дæттыны хъуыддагмæ. Министры хъуыдымæ гæсгæ, федералон ведомство фæрæдыд, ацы программæ саразгæйæ. Лæвар æхцатæй амалхъомдзинад нæ рæзы. Уыимæ ацы аз гранттæ исдзысты æргом схæмæмæ гæсгæ. Сарæзтой къамис. Хаст æм æрцыдысты барадхъахъхъæнæн оргæнты æмæ дзыллон инормацийы фæрæзты минæвæрттæ. Бизнес-проекттæ куыд хъахъхъæндзысты, уый фенæн уыдзæн интернеты. Пресс-конференцийы ма ныхас цыд, Сочийы дунеон форумы нæ республикæйæ цы инвестицион проекттæ бавдыстой, уыдон куыд æххæстгонд цæудзысты, ууыл.